Ny mpiasan’ny Ingedata sy ireo tokantena mitady sipa amin’ny Aterineto


Tamin’ny Alahady 11 Novambra 2007 alina lasa teo dia nandefa fanadihadiana mikasika izay fomba ampiasain’ireo vohikala mba hanaitairana ireto tokantena na selibatera « hividy » fanalavana ny maha-mpikambana azy ao amin’ireny vohikala andoavam-bola « ambohimpihaonan’ny tokantena » ireny, ny fandaharana « Capital » tao amin’ny fahitalavitra Frantsay M6, ka orinasa any Madagasikara izay tsy nambara ny anarany ny iray tamin’ireo.

Raha fintinìna sy tsorìna dia toy izao no fehin’ilay fanadihadiana « manararaotra ireo tokantena izay mipetraka any amin’ny toerana vitsy mponina sy mitady sipa amin’ny Aterineto ny vohikala sasany, ka manakarama tovovavy [2.- € isan’ora] any an-kodahoda any [vakio hoe Madagasikara] mba handainga sy hisoloky hilaza ny tenany ho apela vazaha [blaondy tso-bolo sns…] monina tsy lavitra sy mifanolo-bodi-rindrina ary mpitovo ka mety ho vonona/azo ifaneraserana raha mifankahalala bebe kokoa … izany hoe mila mijanona mpikambana elaela kokoa ao amin’ilay vohikala izany ilay tokantena [ny mpanoratra anefa amin’io Malagasy karamaina mba hanoratra izany sady any amin’ny 12’000 km no mipetraka ary tsy mihevitra izay hanambady azy akory] ».

Ny olana dia raràn’ny lalàna Frantsay ny fisolokiana sy famitahana karakarain’ny orinasa toy izany anefa ilay vohikala ihaonan’ireo « tia sy ny manina » dia mipetraka any Frantsa. Izany hoe, raha fomba fahita mahazatra eto amin’ny sehatra Aterineto ihany ny somary « mamboaboatra » izay mombamomba azy😉 ity orinasa ity dia ny volan’ireo tokantena jamban’izay faniriana hahita sipa no tetehiny … izy anefa tsy manana sipa manodidina atolotra azy akory.

Roa andro taty aoriana, ny blaogy Datingwatch.org dia namoaka ampahibemaso ny anaran’ity orinasa Malagasy ity sy ny anaran’ilay vohikala « ambohipihaonan’olo-tokantena » Frantsay izay mpampiasa azy. Namaly sy nanohitra izay fomba nanatanterahana ny fanadihadian’ny fahitalavitra M6 sy ny fehin-kevitry Datingwatch i Stéphane Guillemin, izay mpamorona sy talen’ny orinasa Ingedata.net any Antananarivo ary manambana ny hampakatra any amin’ny fitsarana raha tsy mitsahatra avy hatrany ireo « lainga » fanaratsiana ny orinasany eto amin’ny Aterineto.

Heveriko fa tsy hijanona eto raha ny fandehan’ity raharaha ity, fa ny ahy ny alehan’ny saiko dia any amin’ireo mpiray tanindrazana. Midika ve izany fa ho tsian’asa ireo tovovavy sy renim-pianakaviana any an-tanindrazana izay mampiaritory ireto tokantena tandrefana mihevitra fa mifanolo-bodi-rindrina aminy izato mpiresaka mivantana aminy ? Tsy henjana toy ny any Frantsa avokoa ny lalàna izay mifehy ny Aterineto ary ny tokantena manan-katao mbola marobe eran-tany ka dia inoako fa hahita orinasa hafa ho fahanana ity orinasa any Madagasikara ity.

Inoako koa fa vitsy ireo mpiasan’ny Ingedata izay sahy manambara ampahibemaso izay « tena » asa ataony any am-piasana any fa dia vitan’ny hoe miasa birao amin’ny solosaina fotsiny na koa sekretera. Anefa raha ny momba ahy manokana sy ny fahalalako ny toekarena Malagasy dia sarotra amiko ny hanameloka ireo mpiasa izay « mampirevy tokantena » amin’ny Aterineto ireo, fa mba ahoana kosa ny hevitrareo ?

[« X paye des faux membres pour vous séduire » – datingwatch.org >>]

FANAMPIM-BAOVAO : araky ny efa nahiako, rehefa avy nifamaly sy nifampitahotra teto amin’ny Aterineto dia mitohy any amin’ny fitsarana ny raharaha

« Avy atsy andaniny aloha : « tohin’ny fampitahorana teo amin’ny blaogy dia nisy antso an-tariby fandrahonana fanapaha-tanàna “Je vais te casser les bras, tu ne sais pas qui je suis, 32 rue Pérignon, j’ai ton adresse, je sais où te trouve !” tonga tany an-tranon’ireo mpivoy ny tranokala datingwatch.org izay heverina fa nataon’i Stéphane Guillemin, talen’i ingedata.net monina any Madagasikara, nametraka fitarainana ry zareo »

[Lettre à M. Stéphane Guillemin, Ingedata – datingwatch.org – 21.12.07 >>]

« Avy atsy ankilany kosa : « ny vohikala unerencontre.com izay anarana nontondroina molotra nandritra ny fanadihadiana notaterina etsy ambony, amin’ny anaran’ny Netprod Corporation, dia nametraka fitoriana tany amin’ny fitsarana noho ny fanalam-baraka azy [diffamation + 80’000 euros pour préjudices moraux et commerciaux] ny datingwatch.org. Ho tanterahina amin’ny Alarobia 19 Desambra 2007 amin’ny 13:30 ao amin’ny “17ème Chambre (Chambre de la presse) du Tribunal de Grande Instance de Paris” ny fitsarana. »

[DatingWatch poursuivi par Unerencontre.com – datingwatch.org – 11.12.07 >>]

FANAMPIM-BAOVAO 2 : Vita ny fitsarana izay nahafahan’ny roa tonta nandahatra izay fomba fijeriny, ka toy izao ny fohy azo ambara :

« Amin’ny Alarobia 6 Febroary 2008 vao ho fantatra izay didim-pitsarana anefa mandra-piandry dia tsy voatery manala ireo lahantsoratra fototry ny fitoriana ny vohikala datingwatch.org. »

[La puce contre l’éléphant. L’Audience. – datingwatch.org – 19.12.07 >>]

FANAMPIM-BAOVAO 3 : Resy tamin’ny ady madio ny datingwatch.org no valim-pitsarana :

« Didian’ny fitsarana hotsoahina ireo lahatsoratra nifandirana, mandoa sazy mitentina 1.- € sady manonitra ny 2’500.- € saran’ny mpisolovavan’ny mpitory ireo mpivoy an’ny datingwatch.org […] Nolavin’ny fitsarana ho tsy ara-dalàna ireo porofo naroson’ny datingwatch.org satria tsy nohamarinin’ny “huissier” mialoha. »

[datingwatch.org condamné mais épargné par les juges – datingwatch.org – 13.02.08 >>]

32 commentaires sur “Ny mpiasan’ny Ingedata sy ireo tokantena mitady sipa amin’ny Aterineto”

  1. Sady mampihomehy no mampalahelo😀

    Samy mitady vola anie io e, ny tena voa izany izao dia ilay selibatera kanefa moa akory atao azy!
    matetika koa anie izy ireny dia ilay ratsy tarehy be , sy efa antitra be dia indray² izy mitady revy fotsiny fa tsy dia tena hoe ho aiza akory e!
    Zay tsinona ny mahatsara ny aterineto koa, tsy mifankahita tava; izaho mino fa maro @ ireo selibatera ireo no tsy dia mivaky loha loatra na iza ny ao ambadika ao na iza.

    Ireo ML lahy sy vavy ampiasaina any Dago indray dia arahaba soa a,

  2. oay tsy vita akory le teo dia lasa…

    dia hoy aho hoe arahaba soa arahaba tsara satria 2eur/heureanie mba betsaka ihany e, indrindra moa raha tena miasa tsara ry zareo!

    Fa ahoana ny fandehany? izy io moa izany karazana telephone rose ihany!
    Manana toeram-piasana ve ilay unerencontre.com sa ny tsirairay no manana solosaina any an-tranony dia afaka mi-se connecte eo araka izay tiany, ary tena payé ve ireo olona any ireo sa voasoloky koa!

    Angamba zao any Dago mety misy olona tsy matory mihitsy an! hihihi

  3. > izy io moa izany karazana telephone rose ihany!
    An ! An ! teny « club de rencontre » fitadiavam-bady ilay izy kah. Izany hoe samy selibatera mitady sipa ho vadiana no mambra ao.

    > Manana toeram-piasana ve ilay unerencontre.com sa ny tsirairay no manana solosaina any an-tranony dia afaka mi-se connecte eo araka izay tiany
    Raha ny fahazahoako azy dia samy mampiasa solosaina any an-tranony any avy.

    > Angamba zao any Dago mety misy olona tsy matory mihitsy an!
    Tena misy miasa alina mihintsy izany, marina fa « feno fitaka ny tany » na dia izany aza dia mety tsy haharitra ihany ity orinasa ity raha mandika lalàna … na dia any amin’ny firenen-kafa aza.

  4. kay gasy izany ilay sipa niresahako iny kletia e. Tsya aleo ve nankany am-piangonana dia vita revy !
    amin’ny manaraka tonga dia ho tampohako amin’ny teny gasy hoe : sao dia hihinana voanjobory itena ?!

  5. 😀 Rajiosy kosa angamba tsy ho kivy toy ireo vazaha izay nanantena hiresaka amin’ny blaondy kay moa gasy🙂

  6. hihihi les filles de mon pays ne sont pas mal non plus nge e!

  7. Sady misy mihintsy anie ireo « agences matrimoniales vazaha » izay mikarakara fitadiavam-bady Gasy e ! Satria lazaina fa « malefaka » ny vehivavy gasy [tsy manana hazon-damosina ?😯 ] Asa raha tsaronareo ilay adian-tsary « et plus si affinités… » nalefan’ny fahitalavitra Arte tamin’ny taona 2002 iny sy ny tohin’ireo tantaram-pitiavana-panambadiana tamin’ny 2004 ?

  8. oay, tena tsarovana mandrapahafaty iny ry Tomavana,
    Tena tadidiko mihitsy miandry an’ilay izy toy ireny
    Desperate housewives ireny(izaho manokana aloha fa tsy haiko ny sasany)

    Asa raha mba nalefa tany amintsika izy iny fa tena tokony alefa any iny ahitan’ny maro ny tena fandehany. Tao aorianan’iny dia mbola nisy vitsivitsy ihany koa (mialan-tsiny fa tsy tadidiko ny lohanteniny)

  9. > Asa raha mba nalefa tany amintsika izy iny

    Henoko fa toa nalefa tany saingy tsy fantatro hoe fahitalavitra inona no nandefa azy ? Fa ilay vehivavy tafaresaka tamiko dia nanazava ny fiheveran’ny sasany fa ho « tsara chance » kokoa satria samy manana ny vintany ny olona fa tsy voatery mitotona any amin’ny lehilahy toy ireny daholo izay mandalo « agences matrimoniales vazaha ».

  10. […] eo koa no toerana « ambohipihaonan’ny mpitovo » ka dia mifampisarisary zoro eny ary satria fohy ny fotoana dia tohizana amin’ny herinandro […]

  11. […] izay ihany? Nitantara lavalava tao amin’ny bolongany i Tomavana fa misy mihitsy ny vehivavy Malagasy mikarama hampiresaka lehilahy any Eoropa fotsiny. Fitaka eo […]

  12. FANAMPIM-BAOVAO : mifampitaritarika any amin’ny fitsarana ny tohin’ny fanadihadiana.

  13. FANAMPIM-BAOVAO 2 : eo am-piandrasana ny didim-pitsarana …

  14. FANAMPIM-BAOVAO 3 : Nolavin’ny fitsarana ireo porofo naroson’ny datingwatch.org ka dia resy ara-pitsarana ry zareo.

  15. Dia mampalahelo fa be tokoa no vafitaka amin’io e! Ao Antsahavola ao izao no fantatro fa misy iray amin’ireny orinasa ireny. Nisy fotoana mantsy isan’ny nandeha nitady kandra tany ny tao amin’ny tanàna fa hoe sekretera no anarana entina, kay zavatra hafa ilay izy. Saiky loza

  16. Izaho aloha tsy manome tsiny ireo izay miasa amin’izy ireny e, satria ny fitadiavana hono … mahazaka maniraka😦

  17. izaho mihevitra hoe mila mandinika vao miteny sy mitsara eritrereto hoe ny abetsahany tsy manakasa eto dago ary efa maro be mba midina eny andalambe ahitanao ny amaroan’i olona manao « informel » mba ahafahana mihinana sy mamelontena jereo ny fijalian’ireo miasa an’ny @ zone franche ny fijalian’ireny @ ireo asa omen’ireo vahiny azy ireo kanefa ny karama kely dia kely ny tena tsy matory .Angamba ilay olona niteny ireny zavatra ireny ololna fils a papa tsy mahalala an’izany hoe tena fijalian’i fianana izany ka ny mba gagne pain a’ireo ankizy ireo indray no simbaina raha manome asa ireo ankizy ireo moa izy ka manina fa tsy mba critique constructive akory ny mangalatra sy ny mivarotena ary efa mampalahelo .Marina iany anefa ny oe ts dia mety loatra ny mandainga @ olona fa ezahana fotsiny io mba tsy ampisy olana @ ireo vahiny

  18. Tonga soa eto ianao Bozy🙂

    Misaotra amin’ny fanampim-panazavana atolotrao … fa tsy mahomby tokoa ny mitsara ivelany ihany. Arak’izay efa nambarako tetsy ambony … « ny fitadiavana mahazaka maniraka ! »

  19. nareo moa mihevitra fa reny vazaha misoratra amin’ny site de rencontre reny de celibataire daholo? naif lotra nareo raha mihevitra izany, ary ny internet no ivompihaonan’ny rainilainga mianakavy ra tsy fantatrareo. ny tena ataon’ireny vaza reny amin’ireny site reny de mitady hanala ny mampangidihidy azy fotsiny sy ireo déprimé amin’ny fiainantokatranony any fa tsy vonona ny anambady akory izy avahako manokana eto ny lehilahy ary ny 70% amin’ireny dia lehilahy efa manambady avokoa fa mody mampiresaka fotsiny dia avy eo mitady firaisana par internet fa atsafao ane oe tongava aty na za ho any e, tsy asiany tohiny intsony ny resakao, izaho aloha dia efa manambady ary afaka mitchat foana ka mba manatsafa reny olona ireny, indraindray aza aho dia mi-inscrire amin’ireny site reny fa mody ataoko hoe celibataire na divorcé dia rehefa tena miresaka ianao dia any aoriana any izy vao miteny hoe manambady aho, ka tsy hitako izay ifanomezantsiny amin’izany tafaray samy pandainga ko, ny olona kosa zany andany andro amalifaly sy iresaka aminy eo, ary mba zay ny fivelomana aty ko in no tsy mahafaly anareo, le M. stephane io aza mavita manome asa sy mba fiveloman’ny gasy kely fa inona no mba vitanareo maivava reo ho an’ny gasy mitovy aminareo? manala baraka fotsiny ny gasy mitovy amin’ny teny nefa any antanin’olona any no miasa, raha nanakambo manina tsy nijanona teto nahita zany hoe fiainana eto zany.manaratsy an’io vaza io ery nefa mbola any amin’ny taniny no mitrongy vao homana koa.j’espère que vous etes content car en ce moment il est entrain de liquider sa societe à mada et l’a transferé à maurice.dia inona ndray ary no holazain’ny manampahaizana isany miseho mahay lalana sy tia an’i lafrantsa e.manina moa ra mijanona any atramin’ny fatinareo fa tsy aterina aty aminay aty intsony fa maimbo fotopisainana frantsay.

  20. Tongasoa Kalasoa.

    Amin’ny lafiny iray dia misy marina ny ambaranao satria mampalahelo tokoa ny fahaverezan’ny loharanom-piveloman’ny mpiray tanindrazana amin’ny tena. Amin’ny lafiny hafa kosa anefa dia heveriko fa tsy izay mety ho tsikeran’ireo mpamaky eto amin’ny blaogy izay hany mitatitra fandaharana mandeha amin’ny fahitalavitra no anton’ny fikatonan’ny orinasa fa izay « mety » ho tsy fanarahan-dalàna izay ho nataon’ity orinasa ity … ka niteraka ny fialan’ireo mpanjifa taminy.

  21. Naha tsikaritra aho oe tena teny gasy be daholo ny ato … dia lasa ny eritreritro hoe, amin zay ve tsy hai ireo vahiny mamaky ? hahahha

  22. “Andrianiko ny teniko, ny an’ny hafa koa feheziko” tsy nihevitra io lafiny iray io aho fa mba hanampy tosika ny teny Malagasy anivon’ny Nety fotsiny tany am-piandohana😉 aleo tsoriko fa raha miampy teny vahiny ireo lahatsoratra taty aoriana dia tsy mahasoratra lava intsony ka dia sary indray no entina manambara na koa rohy mivantana amin’ny alalan’ny friendfeed.com/tomavana >>

    Tongasoa tsetsatsa misaotra amin’ny hafatra😉

  23. Manana namana niasa tao aho, am zao zao izy tsy manana asa tsony d mampalahelo b

  24. Tongasoa Mpiasa tao🙂

    Averiko hatrany fa mampalahelo izay fahaverezan’ny loharanom-piveloman’ny mpiray tanindrazana, mazava ho azy koa anefa fa ireo loharanom-pivelomana « mandikà lalàna » dia miatrika loza mitatao hatrany … na ho ela izany na ho haingana😦

  25. Mahafinaritra ny resakareo, nefa dia izao no zavatra hitako satria izaho efa niasa tao.
    Misy milaza etsy ambony fa sipa no mampiresaka amin’ireo olona an’ andafy ihany, raha ny amin’ny resaka tchat sy rencontre anefa dia lehilahy daholo no miandraikitra azy, ny antony dia nohon’ny sécurité amin’ny alina sy ny fiovan’ny horaire dia vitsy no sipa mahazaka izay.

    Donc, si vous pensez parler avec une blonde, brune … vous vous ètes fait avoir.
    Nisy koa nilaza teo fa olona antitra, ratsy tarehy,…. Eny marina izany, ary tsy izay ihany fa dia tena tsy ny hihaona fotsiny no tadiaviny ao fa tonga de sexe, normal satria ny site izay atao pub any france sy belgique dia Hot, efa be loatra ny vazaha very amin’ny fiainana any ka hoentin’ny filàna (envie) fotsiny. Eo izy no voa satria mihevitra izy fa refa mandoa vola dia tsy maintsy mahazo.

    Ankoatr’izay dia marina fa vazaha tokoa no tompon’ Ingedata, eh oui, il exploite ses compatriotes et les malgaches (d’un coté, les vazaha paient au prix fort pour l’abonnement et de l’autre à 2 euros par jour, les malgaches cherchent son gagne pain).
    Kanefa tadidio fa site no ampiasain-dry zareo, ovainy io raha vao misy manenjika io. Hanafenana ny zavatra ratsy ataony, ary tsy Ingedata rery, fa dia be dia be, ao i Madcom (izay misolo anarana foana Sasie, vivetic) ao amin’ny galaxy, sy Two izay eo akaikiny eo ihany ary koa i Ariane, mbola maro be ny tsy voa tanisa, fa dia mahagaga, betsaka ny vazaha efa tratra fa mbola miditra ihany.

    Hoy aho hoe manafina, inona avy le hafenina, Bon, ho anareo izay an’i andafy any na ny eto an-toerana koa, tsy misy tsara hafa tsy ny miresaka mivantana ihany. n’aiza n’aiza alehanareo ka raha toa ka mbola internet foana dia tadidio fa misy Modérateur et Animateur foana ao ambadik’io. Manao actvité hoatran’ny rehetra ireo société ireo, izany hoe ny saisie , transcription audio, outsourcing, modérateur de site normal, référencement fa kosa ny tchat momba ny rencontre no tsy déclarer-ny ao. Any ka sarotra ho an’izay te hanenjika ny hitady porofo ara-taratasy.
    Ankoatr’izay dia tadidio koa fa tsy ny tchat ihany izao no ataony fa ao koa ny voyance, sexe, ny mivarotra produit fictif (betsaka ry zareo an) ary ny mahagaga dia ny vazaha no mamadika voalohany ny vazaha, avy ny malagasy mba mahazo karama tsara kokoa. Io resaka tchat io zao ohatra dia tanora daholo no ao, Jeune de 18 à 27 ans ankoatran’ny sefo. Ary ny 80 % dia mpianatra.
    Ka tandremo ary sao mikoty, na maka torohevitra ao, fa vola arina fotsiny e, bandy sy sipa bien entrainé à répondre à toute vos questions no hitanao ao, fa tsy olona hitamaso ka tena ho hitanao, na koa tena hamaha ny olana misy amin’ny fiainanao.

    Lava loatra ny resaka, fa ny hamaranako azy dia izao :
    Ny vazaha mandroso be (ekena) kanefa kosa dia mivoatra amin’ny ratsy ny majorité.
    Isika malagasy indray mahantra (ekena) kanefa noho ny fahasarotam-piainana dia akipy ny maso, mba hahafahana mivelona, Na dia izany aza, hatraiza moa ity vola ity vao mahafapo. (Saingy ra mba isika no misy mampiesona oatr’izany dia ahoana, ohatra ny politika ankehitriny)

    kilalaon’ny vazaha ihany e, reny malala i france ka tsy fohy arina.

    Colonisation – Décolonisation – Mondialisation (nouvelle colonisation) et à la fin l’internet où toutes les pensées sont libres et exploitées à des fins pécuniaires, perverses et immorales.

  26. Tongasoa eto kilalaonyvazaha [mba hafakely koa izany raha solon’aranareo🙂 ],

    Misaotra amin’ny fijoroanao vavolombelona fa hafa ihany tokoa ny resak’izay nanatrimaso. Ka tsy lava loatra araky ny noheverinao fa tena misy hoeritreretina sy hotsakotsakoana tokoa.

    Tsaroako taloha ny fahamaizan’ireo mpiara-mianatra manoratra amin’ny « correspondant-ny ». Tamin’izany fotoana izany aho dia efa nieritreritra fa tsy misy porofo fa sarin’ilay mpanoratra tokoa io nalefany io? Atao ahoana fa tena « feno fitaka ny tany » …izay namana « hitamaso » mifanerasera adavanandro aza indraindray mbola misy sahy « tsy menamivadika toy ny ririnìna » dia vao mainka…😉

  27. hono ho aho ry Tomavana, fa inona ho aho ny dikany hoe aterineto = internet ve ? , miaiky aho aminy voambolana ampiasaina ao anatin’ity fifanakalozakevitra ity .Ilay vohikala ve website sa?
    Manana « cousine » miasa aminireny toerana ireny aho any Dago dia varina aminy fitantarana ny asany, ary koa miaiky satry dia mila mahafantatra aminy antsimpiriany ny anarany lalana , tanana, toerana rehetra any ampita mba ahafahana miresaka tsy misy diso aminilay « tokatena » izay mitady namana:-). Mila olona mahay ary tena mahay vao voaray miasa ao satry tsy ny rehetra no malama vava mampiresaka ary mahatadidy ao antiny ny fotona vitsy ny antontambaovao izay ilaina . Ny mampalahelo dia araky ny voalaza eo ambony hoe vola daholo io,fa raha aminy maha Malagasy ahy dia aleo misy satry dia maro ny tanora izay tsy anasa nefa tsy hafaka manohy eny aminy anjely manontolo ny fianarana nefa koa tsy manana traikefa hiasana aminy toerana voatokana toy ny banky na koa orinasa hafa.Araka ilayfitenenana hoe « aleo minakely toa izay mandry fotsy « .Raha handinika sy hitsikera ary koa hamakafaka ny orinasa iray alohany hidirana hiasa dia tsy hahita mihtisy satry tolotra sy tinady io. Anjarany ny tsirairay ny misiivana izay ilainy sy tsy ilainy, ny mandray izay tsara ary manary ny ratsy.Hevitro manokana ihany re re olona ka raha tsy mety dia averreno amiko e.

  28. Ieee! aterineto = internet ary vohikala = website😉

  29. D gaga sady mimeme ian za an. Io mants no asan’ny namana akaiky taloh. Hay ve zay lé izy. Tsy manome tsiny za satri zah aza mba nahazo pitiny t@ karamany. Io namako io nefa d tena be diplaoma ihany fa tsy hita intson ty fiainana ty.

  30. Vola kosa no tadiavina anie e!!tsy misy olona terena zany hamaly message,tsara ho fantatra fa misy ny inscription aloany ifandefasan’ireo olona oreo message,ka ataoko fa ny tsirairay no tokony handinika,satria sitrapony tsirairay io fa tsy an-tery akory.

  31. OM no anarana nentinay tam zany Opérateur média, tao am Vivetic, fa madcom izy tam zany. Mpianatra mila vola matetika no miasa any. C’est de l’argent facile, mi-tchat ve no handraisam-bola que demander de plus. Izaho manokana tamin’ny famaranana ny fianarako no niasa tany, ny fotoana nalalaka kokoa, ny fanaovana mémoire nila vola. Fa tsy asa où on fait carrière ilay izy fa asana tanora e. Tsikaritro koa fa maditra be ny ankizy niara-niasa tamiko. Asa hoe nohon’ny firesahana isan’andro amin’ny vazaha ve sa ahoana fa tena be revy be mihintsy. Ny ambiance ao am-piasàna koa moa jeune be, détendue…Efa 9 taona lasa ao no niasa tany, ny karama noraisiko farany teo amin’ny 400.000ar teo, tena karama tsara izany tamizany. Mino aho fa efa betsaka lavitra io ankehitriny. Ary ny OM dia isan’ireo tambatambazan’ny société satria tena mampidi-bola be ho azy io animation io.

    Raha jerena indray ny lafiny hoe vazaha voafitaka dia dommage collatéral no handraisako azy. Izay ilay fiainana, l’homme est un loup pour l’homme. Ohatran’ny Malagasy aman’arivony voafitaky ny firenena manankarena ihany io e. Iza moa no mitsetra ny gasy? Donc samy mitondra ny hazo fijaliany. Il suffit de ne pas s’inscrire sur des sites de rencontre payants. Sady ny ankamaroan’ny vazaha inscrits anie vicieux be daholo e. D’ailleurs, misy compte soft izy ireny dia misy compte hot. ilay hot moa zany dia resa-betaveta no tena mameno azy. ahitan-java-doza ny fantasme an’ny vazaha hahahaha Ary misy OM fetsy, raisiny ny numéro an’ilay vazaha dia contacter-ny aty ivelany. Dia tsoriny hoe animatrice izy fa blablabla maromaro koa ny gasy nahita vady vazaha de cette manière an

  32. Tongasoa OM🙂

    Misaotra anareo rehetra amin’izay fandraisanareo anjara eto amin’ity sehatra malalaka ity. Misaotra manokana koa ireo izay mijoro vavolombelona, satria hafa ihany hoy aho ny fijerin’ireo izay nanatrimaso.

    « …maromaro koa ny gasy nahita vady vazaha de cette manière an » io fehezanteninao farany io izao no vaovao tamiko, hay izany hoan’ny sasany « nody ventiny ny rano natsakaina » (happy end ?😉 )


Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :