Manomboka misy mpiahy, anefa mbola tsy ampy famatsiana [ Ambohitranala +43 andro]



Toy izao ny fijery ny tanànan’i Manakana II ankehitriny [+59 andro taorian’ny afo], isaorana ny MAF amin’ny fanolorany ireo sary avy amin’ny fiara-manidina, nadika tamin’ny efg-herten.de

+43 andro taorian’ny nianjadian’ny voina tany amin’ny fokontany Ambohitranala, Kaominina Androrangavola, Distrika Marolambo [Toamasina, MD] izay kilan’ny afo tanteraka tamin’ny Alarobia 18 Oktobra 2006 lasa [452 tafo potika, Malagasy 1998 tsy manankialofana], dia tsy mbola nahazoana sary ny tanànan’Ambohitranala nohon’ny setroka vokatry ny doro-tanety manjaka amin’iny faritra iny. Azontsika alaina sary an-tsaina anefa satria in-droa heny sy tapany [2,5 x] mihoatra amin’ny tanànan’i Manakana II [184 tafo potika] no halehiben’ny tanànan’Ambohitranala [452 tafo potika].

Toy izao no azo ambara amin’ny rohim-pifanampiana efa mipetraka ka azo ampiasaina ankehitriny :

– ny Fiangonana Protestanta Batista « Fanantenana » any Herten [Hoffnungskirche, Evangelisch Freikirchliche Gemeinde Herten, DE] izay manao fanangonana hamatsiana an’i Manakana II, dia mamatsy koa ny MAF amin’ny fitaterana amin’ny fiara-manidina ireo fitaovana nangoniny.

– Ho famatsiana ireo tanàna tra-boina, izay fitaovana tonga eo amin’ny MAF [Mission Aviation Fellowship ao Madagasikara|Hangar apitan’ny Tiko eny Ivato, Antananarivo] dia ezahiny ampiarahina amin’izay entana ho any Manakana II ka apetrany eo Sahakevo [0:30 ora amin’ny fiara-manidina].

– Eo Sahakevo, ny mponin’i Manakana II sy Ambohitranala no andeha haka sy hitatitra an-tongotra ireo entana [dian-tongotra 4 ora].

– Isaorako manokana ny FKMSM [Fiangonana Kristiana Malagasy eto Soisa sy ny Manodidina] izay voalohany nanome famatsiana vonjy maika [urgence] hoan’ireo mponina ao Ambohitranala, na dia efa tapitra ela aza ny fehim-potoana fametrahana fangataham-panampiana [fetra hoan’ny fangatahana 30 Oktobra 2006].

– Manolotra Baiboly 5 sy Fihirana 5 ary Filazantsara 10 kosa ny Feon’ny Filazantsara [Voix de l’Evangile, Lutheran Hour Ministries eto Madagasikara] izay sampan’asan’ny International Lutheran Laymen’s League [ILLL, St-Louis , Missouri, USA] ary miara-miasa amin’ny Fiangonana Loterana Malagasy [FLM] nanomboka tamin’ny 13 May 2000 RFF [Radio Feon’ny Filazantsara, sampan’asa ao amin’ny Fiangonana Loterana Malagasy, FLM].

Mbola marobe ireo zavatra ilaina ka izay tsy afaka manatitra eny Ivato avy hatrany ho fanohanana ireo tra-boina dia afaka mamatsy sahady ireo Fiangonana roa ireo :
– hoan’Ambohitranala > FKMSM,
– raha hoan’i Manakana II kosa >EFG Herten.

Inoako fa TSY MILA KABARY fanampiny ny toe-draharaha, anefa manantena kosa ny firaisankinantsika Malagasy.

Ambohitranala +28 andro >>

Ambohitranala +23 andro >>

Ambohitranala +14 andro >>

Ambohitranala +10 andro >>

vakio koa ‘Vonjy hoan’i Manakana II’ [Malagasy Miray] >>

8 commentaires sur “Manomboka misy mpiahy, anefa mbola tsy ampy famatsiana [ Ambohitranala +43 andro]”

  1. […] Il a aussi les incendies involontaire. Tomavana, nous raconte dans son blog – en comptant les jours – que des villages entier sont rasés par un feu provoqué accidentellement par une villeille dame – celà fait maintenant 43 jours que de nombreux habitants sont sans abris- il y de l’aide mais ça ne suffis pas pour loger les habitants – et l’incendie ne concerne pas qu’un seul village – liste à l’appuie – Ses notes sont en malgache mais elle viens de publier – sur le blog collectif – une traduction d’un d’un article publier dans un journal évangelique Suisse – cette dernière parle d’un des nombreux villages complètement rasé par le feu. […]

  2. […] the country) (Fr.), the continuing deforestation/desertification as illustrated by Tattum (Fr.) and entire villages going up in smoke as narrated by Tomavana […]

  3. Hay ve nisy toejava-nampalahelo toy izany tany e. Manmpahery ny mpiray tanindrazana tra-boina, dia mivavaka ho azy ireo. Andriamanitra anefa tsy manome zay tsy zaka, fa dia misaotra azy @ zava-drehetra, ny Tompo anie hanokatra ny masom-panahintsika tsirairay avy ahitantsika zava-mahagaga ao anatin’ny fitsapàna toy itony. Aza mitsahatra fa mivavaha mandrakariva. Ciao.

  4. Na dia tara aza i aro vao mandefa fampaherezana dia aza omena tsiny fa be erehina tsy afa-mitsidika matetika. Kanefa mety mba misy soa kely entiny ihany ny fahataràna. Sa ahoana ry Tomavana?

  5. Amiko tsy tara velively satria tsy misy ny kisendrasendra fa « miara-miasa hahasoa ny zava-drehetra »
    Tamin’ireny fotoana ireny dia nifanojo amin’ny fanombohan’ny fampielezan-kevitra ny fifidianana ho filoham-pirenena dia tsy hita tamin’ny vaovao mihintsy. Taoriana indray dia nifanesy ireo rivo-doza sy tondra-drano izay mbola maro ireo voa any Avaratra-Andrefana >>😦 Tsy foana ny fampaherezena entinao satria tena mbola sahirana ny olona any. Misaotra anao mahatsiaro azy ireny amim-bavaka.

  6. […] about the fire in my country. You can read it in french here or here or here, and also in malagasy here Sometimes bloging is not enought, you can’t just seatdown and write in your blog no more, […]


Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :