08|02|21 – Miasy Raoloson | Zam Zam [Genève]

« N’aiza n’aiza aleha, misongadina hatrany rehefa manan-talenta » io teny io no tonga tao an-tsaiko raha tafaresaka fohifohy tamin’ny mpanakanto mpitendry gitara basy jazz mpiray tanindrazana Miasy Raoloson izahay nandritra ny fampisehoana Jazz omaly alina

Tao no nahalalako fa ankilan’ireo tarika Mawenzi izay andraisany anjara [hamoaka rakikira atsy ho atsy] sy ny tarika nN PROJECT [no Name Project] izay noforininy tamin’ny faran’ny taona 2004 dia vao tamin’ity voaloamboalohan’ity taona 2008 izy no natonin’ny tarika Zam Zam eto Genève mba hiara-miasa aminy. Ny tarika Zam Zam dia efa fantatr’ireo izay mpanaraka ny sehatra mozika eto Genève [niforona 2001 | rakikira voalohany 2002 | rakikira vao nivoaka « les 1000 visages » | hahalala an'i Zam Zam bebe kokoa ? Henoy ny interview nataon'ny fandaharana Azimuth ao amin'ny radio cité >>].

Hanao fampisehoana ny tarika Zam Zam ny Alakamisy 21 Febroary Janoary 2008, manomboka amin’ny 20:00 ora alina any amin’ny Maison de Quatier de Saint-Jean [MQSJ - chemin François-Furet 8, Genève | Bus 7 arrêt Contrat-Social | misokatra dieny 19:30 ora ny varavarana]. Ny hira madinika amin’ny teny Frantsay [variété française] no sehatra izay amelaran’ny Zam Zam ny talentany.

Tsy misy vidim-pidirana.

[Zam Zam - zamzam.ch >>]

[Zam Zam @ myspace - myspace.com/zamzamlegroupe >>]

[MQSJ - mqsj.ch >>]

6 Responses to “08|02|21 – Miasy Raoloson | Zam Zam [Genève]”

  1. 19 jan 2008 at 09:39 Miasy RAOLOSON
    Répondre

    Salama

    Amin’ny 21 febroary ilay fampisehoana fa tsy 21 janoary
    Misaotra

  2. 20 jan 2008 at 00:08 tomavana
    Répondre

    Hi hi ! Maimaika be sady tsy ampy tory … mamerina ny fisaorana tamin’ilay fampisehoana :)

  3. 16 fév 2008 at 09:09 Alain RAKOTOARSON
    Répondre

    Izy efa hatrany Dago no nilay katramin’izao, jereo ny Madajazzcar tamin’izany andro …

  4. 17 fév 2008 at 11:58 tomavana
    Répondre

    Faly mandray anao eto Alain Rakotoarson :)

    Inona no vaovaonareo avy any Tahiti any e ?

  5. 18 mar 2008 at 07:24 Alain RAKOTOARSON
    Répondre

    Miarahaba !
    Ny aty mamay be, fa efa somary reraky ny mipetraka aty fa te-hiova indray e ! Mila “revy Galasam” hoy ny tanora … Nanahoana aloha ny fampisehoana ?

  6. 18 mar 2008 at 22:05 tomavana
    Répondre

    Andao ary hifanakalo fa ny aty izao zara mihoatry ny 5°C ny mari-pana. Ankoatr’izay nafana ny fampisehoan-dry zareo … izaho tsy afaka fa i Miasy no tafahaona tamiko.


Leave a Reply