07|06|23 - Fetiben’i Madagasikara [Genève, CH]
Ny Asabotsy 23 Jona 2007, manomboka amin’ny 18:00 ora hariva dia hankalazaina eto Genève [salle Communale de Plainpalais, rue de Carouge 52, Genève, CH] ny « Fetiben’i Madagasikara » [Grande Fête de Madagascar] izay iarahan’ny mponina mipetraka eto Soisa sy ny manodidina [Frantsa] mankalaza ny fetim-pirenena Malagasy ahatsiarovana ny faha-47 taonan’ny fahaleovantenan’i Madagasikara.
Manomboka amin’ny fotoam-pivavahana iraisam-pinoana [18:00] ny fotoana , izay arahina ny hiram-pirenena [18:30] sy ireo kabary isan-karazany izay andraisan’ny manampahefana Malagasy fitenenana. Avy eo dia hisy ny fitetezana sy fampahalalana [19:00] ireo fikambanana Malagasy sy manohana an’i Madagasikara izay mitazona « stand » samihafa hamatsiana ireo tetik’asa tohanany. Misy antokom-pihira hanafana ny fotoana [20:00] amin’ny fampisehoana hira sy dihy vako-drazana izay arahin’ny rindra-kiran’i Eric Manana [21:00]. Ny « Afindrafindrao » izay anokafana ny alim-pandihizana dia atomboka amin’ny 22:30 ora alina ary hofaranana amin’ny 02:00 ora maraina kosa ny alim-pandihizana.
Tsy misy vidim-pidirana [filankevitra sy toro-lalàna +41 79 769 33 61]
[fandaharam-potoana - madonline.com >>]
le site de Madonline est excellent, c’est le blog gasy que je visite le plus souvent en ce moment.
Raikitra izany
Salut Tattum, je me réjouis de vous revoir sur les bords du Léman puisse la météo être clémente durant votre séjour